Nome:  Yeoman
Tipo: Carga Xeral
Nacionalidade: Inglesa
Data: 10/02/1904
Lugar: Pedra do Porto (Camelle)

O bacallau e os panos do Natalia e Yeoman abrigaron os corpos da xente de Camelle, quizais non os estrearon para as festas, como Manolo e a súa burra sexan froito da imaxinación.

O “YEOMAN”, con matrícula de Liverpool, pertencente a “The Carrent Steamership” ,de catro paus e unha cheminea, movido por unha potente máquina,navegaba en bolina procurando o Vilán na recalada da súa viaxe Liverpool – Calcuta, cunha carga xeral de 4000 toneladas, ademáis de 2000 de sal e 1500 de carbón.
A noite do 10 de febreiro de 1904 ,o vento fíxoo abater ata chocar entre os baixíos Barranco alto e a Pedra do Porto. Salpicou o pánico entre a tripulación formada maioritariamente por indios de cor.
Seis indios,froito da tensión,desoíron as ordes do capitán Mr. Long, riscando o cabo dun dos botes e lanzándose sen máis a aquel mar infernal.As dúas horas, botábaos a dúas millas, dous seriamente magoados e catro cadáveres.
A coraxe e valentía dos mariñeiros de Camelle no salvamento do resto da tripulación permitiu que todos puidesen ser salvados dunha morte segura.
Ós dous días do naufraxio, o mar esparexeu a carga de pacas de teas pola costa.
A compañía Barbeito adquiriu o barco axiña, pagando os salarios dos traballadores a cambio do pano que acadaran na costa.