Nome:  Yale Hermoso
Tipo:  Patache
Nacionalidade: Portuguesa
Data: 09/11/1941
Lugar: Punta da Pedrosa

Houbo barcos que coa súa carga trouxeron algunha alegría, enchendo barrigas de laranxas, bacallau, champaña ou tragando o fume do tabaco en folla. Algúns deles transcenderon o formar parte das coplas nas comparsas de Entroido.

Na restinga de Punta Pedrosa, o 9 de novembro  de 1941, estrelouse o patache portugués Yale Hermoso. Ía cargado de tabaco en folla, e en plena época de escaseza e racionamento, fixo as delicias dos poucos que puideron acceder ó buque antes de que o mar e a Tabacalera se apoderasen do cargamento.