Nome:  Barcelona
Tipo: Vapor
Nacionalidade: Alemaña
Data: 25/07/1898
Lugar: Baixos do Capelo  (Santa Mariña)

Houbo barcos que coa súa carga trouxeron algunha alegría, enchendo barrigas de laranxas, bacallau, champán ou tragando o fume do tabaco en folla. Algúns deles transcenderon o formar parte das coplas nas comparsas de Entroido.

O vapor alemán Barcelona, vítima do gran manto branco que estaba a cubrir a costa a finais de xullo de 1898, espetaba contra os baixos do Capelo, na entrada do pequeno porto de Santa Mariña.
O Barcelona procedía de Hamburgo e navegaba rumbo á cidade de Málaga con dúas pasaxeiras, unha institutriz para traballar na casa duns famosos industriais alemáns que vivían en San Pedro de Alcántara, e a filla dunha coñecidísima cantadora malagueña.
A carga que portaba na súa totalidade: bocois e pipas que gardaban no seu interior unha alma de viño de moito avoengo.
O capitán , o señor Mahlmann, un mariño veterano, con manobras precisas ordenou o abandono do barco nos botes salvavidas aos 32 homes da tripulación e as dúas pasaxeiras. Cando remaban, preto da costa viron, grazas as primeiros raios de luz do día, a silueta esvaecida do seu barco partido en dous, con parte da popa practicamente somerxida, facéndoo media hora máis tarde o resto do casco.