Nome: Boris Sheboldaef
Tipo: Petroleiro
Nacionalidade: Rusia
Data: 20/08/1934
Lugar: Pedra do Porto (Camelle)

PERCEBES SEN GABÁN NA FRIAXE SIBERIANA

 

O petroleiro ruso Boris Sheboldaef encallou na Pedra do Porto de Camelle o 20 de agosto de 1934. Partira de Leningrado con rumbo a Batún a cargar crudo. Ás nove da noite, un forte golpe, acompañado do son da sirena, alertou á xente de Camelle.

A forte marusía e a pechada néboa, dificultaron o salvamento dos 41 tripulantes, expoñendo os mariñeiros as súas vidas no rescate. Durante a noite rescataron a 28 embarcados. Na proa permaneceron o capitán e o resto da tripulación, rescatados ao día seguinte.

Durante un ano non se puido comer peixe ou marisco do litoral de Camelle polos restos de hidrocarburos do Boris.

Aos mariñeiros recompensáronos cunha paga especial polo acto heroico no salvamento.

O capitán M. Zikoff e o segundo maquinista Nicolás A. Sherchov quedaron varios días en Camelle para tratar co seguro do barco. Ao seu regreso, ao capitán desterrárono a Siberia.

As autoridades rusas non entendían cómo un barco dotado con sonar eléctrico sucumbira de tal xeito.